About
'अवधूत गीता' हा दत्त संप्रदायातील सर्वात प्रमुख पारायण ग्रंथ. या गीतेमध्ये प्रत्यक्ष दत्तावधूत मुखातून 'अवधूत तत्त्वाचे विवरण' ऐकण्यास मिळते. 'अक्षरत्व', 'वरेण्यत्व', 'धूतसंसारबंधन' आणि 'तत्त्वमसि' हे चार शब्द चार आध्यात्मिक संकल्पना दर्शवतात. या चार शब्दांच्या पहिल्या अक्षरांचा मिळून 'अवधूत' हा शब्द तयार होतो. या चारही तत्त्वांनी युक्त तो 'अवधूत' होय. उपासना, ध्यान व साधना यांबाबत श्री दत्त दर्शन (तत्त्वज्ञान)समजून घेण्यासाठी या ग्रंथाचे सार्थ पारायण नित्य हवे. सदा श्रवण आणि मनन करावा असा हा अत्यंत महत्त्वाचा ज्ञानग्रंथ आहे. >> या ऑडिओबुकमध्ये अवधूत गीतेचे संपूर्ण आठ अध्याय मूळ संस्कृत श्लोक पठण व त्यानंतर लगेच त्याचे मराठी भावार्थ कथन असे पारायण स्वरूपात सादर केले आहे. घरी, दारी, प्रवासात आपण स्वतः किंवा सहकुटुंब या ग्रंथाचे श्रवण करावे. आपण अनुष्ठान पूर्वक निश्चित संख्येने पारायण उपासना देखील करू शकता. >> यामध्ये एकूण आठ अध्याय आहेत. एकूण कालावधी सुमारे ४ तास. >> ऐकताय ना? ऐकत रहा!
You can also join this program via the mobile app. Go to the app