सार्थ मनोबोध | भावार्थासहित 205 मनाचे श्लोक | Audiobook

सार्थ मनोबोध | भावार्थासहित 205 मनाचे श्लोक | Audiobook
 
मनोबोध ग्रंथमाहात्म्य |
सकाळी उठल्यावर किंवा रात्री झोपताना नित्यनेमाने ऐकावा असा मनोबोध |
एकांतात किंवा सहकुटुंब ज्याचे पुनः पुनः पारायण करावे असा मनोबोध |
प्रत्येक श्लोक स्मरण करावा, त्याचा भावार्थ जतन  करावा असा मनोबोध |
आपल्या दैनंदिन जीवनाशी सांगड घालून ज्याचे  चिंतन मनन करावे असा मनोबोध |
कानांतून मनात, मनातून ध्यानात आणि ध्यानातून आचरणात आणावा असा मनोबोध |

आजची मोठी माणसेच नाही, तर लहान मुलेही अत्यंत व्यग्र आहे. लहान-मोठे सर्वांनाच रोजच्या धावपळीच्या आणि व्यस्त जीवनक्रमातून मानसिक स्थैर्य आणि आनंद राखण्यासाठी समर्थ रामदास स्वामी यांनी रचलेला मनोबोध हा ग्रंथ अत्यंत महत्त्वाचा आहे. यातील अनेक ओव्या मनाचे श्लोक म्हणून पिढ्यानपिढ्या तोंडपाठ आहेत. परंतु कित्येकाना त्याचा अर्थही माहिती नसतो. उदाहरणार्थ, 'नमू शारदा मूळ चत्वारी वाचा' या श्लोकातील 'चत्वारी वाचा' अर्थात वाणीचे चार स्तर कोणते, हे माहिती नसते. भावार्थ समजून घेत मनोबोधातील प्रत्येक श्लोक नित्यनेमाने ऐकला तर लहान-थोर सर्वांनाच मानसिक क्षमता आणि चारित्र्याचा पाया पक्का होण्यास चालना मिळेल. श्री समर्थांच्या भाषेत सांगायचे तर मनोबोधाच्या संस्कारांमुळे आपल्या विचारांना आणि कृतीला 'भगवंताचे अधिष्ठान' मिळेल. स्वतःच स्वतःच्या मनाला प्रशिक्षित करण्याचे अमूल्य शिक्षण मिळेल. मराठी भाषेबद्दल गोडी आणि आत्मीयता वाढेल. शब्दसंग्रह, उच्चारण यामध्ये उत्तम सुधारणा होईल. 
 
यासाठीच घरातील कुणीही पुढाकार घेऊन काही दिवस नित्यनेमाने हा सार्थ मनोबोध आपल्या घरी ऐकला आणि ऐकवला, तर त्यामुळे किती लाभ झाला हे तुम्हीच आनंदाने शेअर कराल याची खात्री आहे. 
 
चला तर मग, लगेच हा 'सार्थ मनोबोध' ऑडिओ कोर्स आपल्या घरी मागवा. 
 
(एकूण कालावधी : तीन तास)