ज्ञानश्रवण दानयज्ञ |
एका शाळेला ५० ऑडिओबुक्सची ज्ञानभेट — लाभ कैक पिढ्यांना!
शिक्षणवाणी | शालेय मूल्यसंस्कार
ग्रामीण शाळांसाठी ५० निवडक ऑडिओबुक्सची डिजिटल लायब्ररी — ज्ञान, विचार आणि प्रेरणेची एक शाश्वत भेट.
आपणही एका शाळेचे ज्ञानदाते व्हा!
एका शाळेला ५० ऑडिओबुक्सच्या डिजिटल लायब्ररीचा Lifetime Access!
भेट एका शाळेला!
लाभ कैक पिढ्यांना!
ज्ञानाचा प्रकाश आता श्रवणातूनही!
कल्पना करा…
महाराष्ट्रातील एका ग्रामीण शाळेत शिक्षक विद्यार्थ्यांना एका महापुरुषाच्या जीवनातील प्रेरणादायी प्रसंग ऐकवत आहेत. कुठे संतसाहित्याच्या माध्यमातून जीवनमूल्यांची ओळख होत आहे, कुठे इतिहासातील शौर्यगाथा विद्यार्थ्यांना प्रेरणा देत आहेत, तर कुठे विज्ञानातील शोध, भारतीय संविधान आणि समाजसुधारकांचे विचार मुलांसमोर नवे प्रश्न, नवे कुतूहल उभे करत आहेत.
विद्यार्थी ऐकत आहेत. विचार करत आहेत. प्रश्न विचारत आहेत. शिक्षकांसोबत चर्चा करत आहेत.
ज्ञान मिळवण्याचा अनुभव आता केवळ पुस्तकांच्या पानांपुरता मर्यादित राहण्याची गरज नाही. वाचनासोबतच श्रवणातूनही ज्ञान, विचार आणि प्रेरणा मिळवण्याची संधी उपलब्ध होऊ शकते.
याच विचारातून आकार घेत आहे ‘ज्ञानश्रवण दानयज्ञ’ — ग्रामीण शाळांसाठी ५० निवडक ऑडिओबुक्सची डिजिटल लायब्ररी उपलब्ध करून देण्याचा एक अर्थपूर्ण शैक्षणिक उपक्रम.
या उपक्रमातून आपण एका शाळेला ज्ञानाची डिजिटल भेट आजीवन देऊ शकता.
विद्यार्थी आणि शिक्षक दोन्हीसाठी ही ऑडिओबुक्स लायब्ररी उपयुक्त आणि उद्बोधक आहे.
म्हणजेच आपले एक योगदान — ज्ञानाच्या दोन वाटा!
शिक्षणवाणी | शालेय मूल्यसंस्कार :
एका नव्या शैक्षणिक अनुभवाची सुरुवात
प्रत्येक विद्यार्थ्याला नवनवीन गोष्टी जाणून घेण्याची, प्रश्न विचारण्याची आणि स्वतःच्या विचारविश्वाचा विस्तार करण्याची संधी मिळायला हवी.
पुस्तके या प्रवासातील महत्त्वाचे साधन आहेत. ऑडिओबुक्स या अनुभवाला आणखी एक मार्ग उपलब्ध करून देतात. विद्यार्थी एखादा विषय ऐकू शकतात, आवश्यकतेनुसार संबंधित भाग पुन्हा ऐकू शकतात आणि शिक्षकांच्या मदतीने त्यावर चर्चा करू शकतात.
कथा विद्यार्थ्यांना विचार करायला प्रवृत्त करू शकतात. चरित्रे ध्येय, चिकाटी आणि संघर्षाची ओळख करून देऊ शकतात. विज्ञानविषयक साहित्य जिज्ञासेला चालना देऊ शकते, तर इतिहास आणि संविधानाची ओळख समाजाविषयी अधिक सजगपणे विचार करण्यास मदत करू शकते.
‘शिक्षणवाणी | शालेय मूल्यसंस्कार’ या डिजिटल ऑडिओबुक लायब्ररीच्या माध्यमातून विविध विषयांतील निवडक साहित्य ग्रामीण शाळांपर्यंत पोहोचवण्याचा प्रयत्न आहे.
एका डिजिटल लायब्ररीत ५० ज्ञानखजिने!
या लायब्ररीमध्ये संतसाहित्य, इतिहास, महापुरुषांची चरित्रे, व्यक्तिमत्त्व विकास, नीतिकथा, संगीत, भारतीय संविधान, विज्ञान आणि भारतीय तत्त्वज्ञान अशा नऊ विषयगटांतील निवडक ऑडिओबुक्सचा समावेश आहे.
१. संतसाहित्य आणि जीवनमूल्ये
सार्थ ज्ञानेश्वरी, तुकाराम — अभंगचरित्र, सार्थ मनोबोध, कबीर - काल, कार्य वचन, संत अभंगमाला आणि गुरु नानक इत्यादि संत चरित्र व संत साहित्य संस्कार.
२. छत्रपती शिवाजी महाराज आणि इतिहास
शिवाजी महाराज, संभाजी महाराज, राजमाता जिजाऊ व महाराणी ताराबाई, शिवरायांच्या युद्धकथा, राजर्षी शाहू महाराज, महाराणा प्रताप, पुण्यश्लोक अहिल्यादेवी होळकर आणि थोरले बाजीराव पेशवे यांची विस्तृत व प्रभावी चरित्रे
३. महापुरुष, समाजसुधारक चरित्रे व इतिहास
स्वामी विवेकानंद, रामकृष्ण परमहंस, डॉ. बाबासाहेब आंबेडकर, सिद्धार्थ गौतम, महात्मा ज्योतिराव फुले, महात्मा गांधी, वि. दा. सावरकर, लोकमान्य टिळक, नेताजी सुभाषचंद्र बोस, जवाहरलाल नेहरू, भगतसिंग, यशवंतराव चव्हाण, अण्णाभाऊ साठे, वस्ताद लहुजी राघोजी साळवे, इंदिरा गांधी आणि महाराष्ट्रातील अन्य महिला मुक्तीच्या अग्रदूतांचा परिचय.
४. व्यक्तिमत्त्व विकास
स्वामी विवेकानंदांचे ‘व्यक्तिमत्त्व विकास’ आणि ‘यश रहस्य’, तसेच महात्मा गांधींचे ‘विधायक कार्यक्रम’ हे श्रवणग्रंथ
५. नीतिकथा आणि प्रेरणादायी गोष्टी
जातककथा — भाग १, २ आणि ३ | जगातील सर्वात प्राचीन व सर्वात लोकप्रिय बालसाहित्यातील निवडक कथा... खास २१ व्या शतकातील Techno Savvy नवीन पिढीसाठी.
६. संगीत
संगीतशास्त्राची मूलभूत ओळख | संगीत ऐकणाऱ्या सर्वांसाठी
७. भारतीय संविधान आणि कायदा
‘सुबोध संविधान’ — भाग १ आणि २ | सुगम, सुबोध आणि सुश्राव्य भाषेत भारताचे संविधान
८. विज्ञान आणि भारतीय शास्त्रज्ञ
भास्कराचार्य, महर्षी कणाद, आर्यभट्ट, श्रीनिवास रामानुजन, डॉ. पांडुरंग खानखोजे, बिरबल साहनी, जगदीशचंद्र बोस, सी. व्ही. रमण, एम. विश्वेश्वरय्या आणि एस. आर. रंगनाथन या प्राचीन ते अर्वाचीन स्वातंत्र्यपूर्व काळातील १० महत्त्वाच्या भारतीय शास्त्रज्ञांचे चरित्र व कार्य ओळख मालिका.
९. भारतीय तत्त्वज्ञान आणि विचारपरंपरा
आचार्य चाणक्य, आद्य शंकराचार्य, मध्वाचार्य, रामानुजाचार्य, आचार्य विद्यारण्य चरित्र व तत्त्वज्ञान परिचय मालिका मालिका
या संग्रहाचा उद्देश विद्यार्थ्यांना विविध विषयांतील साहित्याशी परिचित होण्याची संधी देणे आणि शिक्षकांना अध्यापनासाठी पूरक श्रवणसाहित्य उपलब्ध करून देणे हा आहे.
‘ऐकण्याचा तास’ — ऐका, विचार करा, चर्चा करा!
ऑडिओबुक्स उपलब्ध करून देणे ही पहिली पायरी आहे. या ज्ञानसंपदेचा शाळेत अर्थपूर्ण वापर व्हावा यासाठी ‘ऐकण्याचा तास’ ही संकल्पना राबवता येऊ शकते.
या तासात शिक्षक एखाद्या विषयाला अनुरूप ऑडिओबुकचा निवडक भाग ऐकवू शकतात. त्यानंतर विद्यार्थ्यांशी चर्चा करून ऐकलेल्या आशयावर विचार करण्याची संधी देता येईल.
ऐका: निवडक ऑडिओबुकचा भाग लक्षपूर्वक ऐका.
विचार करा: मुख्य विचार समजून घ्या आणि प्रश्न निर्माण करा.
चर्चा करा: गटचर्चा, प्रश्नोत्तरे, कथन, चित्रकला किंवा लेखनातून अनुभव व्यक्त करा.
पुन्हा ऐका: गरजेनुसार संबंधित भाग पुन्हा ऐका.
शाळेच्या वेळापत्रकानुसार, विद्यार्थ्यांच्या वयोगटानुसार आणि उपलब्ध साधनांनुसार या उपक्रमाचे स्वरूप ठरवता येईल. शिक्षकांचा अभिप्राय आणि वापराची नोंद यांमधून लायब्ररीचा प्रत्यक्ष उपयोग समजून घेता येईल.
एका योगदानातून दोन ज्ञानभेटी!
आता या उपक्रमाचे वैशिष्ट्य समजून घेऊया.
या उपक्रमात योगदान देणाऱ्या दात्याकडून प्रत्येक शाळेला दोन ज्ञानभेटी उपलब्ध होतात.
पहिली ज्ञानभेट — शाळेतील सर्व विद्यार्थ्यांसाठी
एका पात्र शाळेला ५० निवडक ऑडिओबुक्सच्या डिजिटल लायब्ररीचा Lifetime Access!
दुसरी ज्ञानभेट — शाळेतील सर्व शिक्षकांसाठी
ही सर्व ऑडिओबुक्स शिक्षकांसाठीही तितकीच उपयुक्त आहेत.
शाळेतील सर्व शिक्षकही स्टाफरूममध्ये फावल्या वेळात ऐकू शकतील व स्वतः ऐकून विद्यार्थ्यांना ही ऑडिओ पुस्तके ऐकवण्याचे वार्षिक नियोजन त्यांच्या सहभागाने करू शकतील.
अशा प्रकारे शाळेतील इथून पुढच्या प्रत्येक पिढीच्या विद्यार्थी आणि शिक्षकांना ही ऑडिओबुक लायब्ररी कायमस्वरूपी उपलब्ध असेल आणि पुस्तकदात्याचे योगदान वर्षानुवर्षे फळाला येईल.
आपण डॉक्टर, सनदी लेखापाल, उद्योजक, व्यावसायिक, लोकप्रतिनिधी, सामाजिक संस्था किंवा शिक्षणप्रेमी नागरिक असाल, तर या उपक्रमात सहभागी होण्याचा विचार करू शकता.
एका शाळेसाठी ज्ञानभेट
५० ऑडिओबुक्सची डिजिटल लायब्ररी
एका शाळेला ५० ऑडिओबुक्सच्या डिजिटल लायब्ररीचा Lifetime Access!
भेट एका शाळेला!
लाभ कैक पिढ्यांना!
आपल्या योगदानातून ज्ञानाची भेट शाळेपर्यंत कशी पोहोचेल?
या उपक्रमात देणगीदारांचा विश्वास आणि शाळेचा प्रत्यक्ष वापर या दोन्ही गोष्टी महत्त्वाच्या आहेत. म्हणून शाळेला लायब्ररीचा प्रवेश देण्यापूर्वी पुढील बाबी स्पष्ट केल्या जातील.
शाळेची निवड: शाळेची गरज, उपलब्ध डिजिटल साधने आणि लायब्ररी वापरण्याची तयारी समजून घेणे.
तांत्रिक तयारी: आवश्यक उपकरणे, इंटरनेट किंवा उपलब्ध पर्यायी सुविधा तपासणे.
(शिक्षणवाणी च्या ५० ऑडिओबुक्सच्या Lifetime Online Access सोबतच प्रत्येक शाळेला प्रत्येक ऑडिओबुक व प्रकल्पाची सविस्तर माहिती असलेली सचित्र मार्गदर्शक पुस्तिका व शाळेच्या भिंतीवर लावायला लॅमीनेटेड पोस्टर असे फिजिकल किट दिले जाईल.)
Lifetime Access : निश्चित अटींनुसार शाळेला कायमस्वरूपी प्रवेश उपलब्ध करून देणे.
वापरास प्रोत्साहन: शिक्षकांना ऑडिओबुक्सचा उपयोग करण्याबाबत माहिती देणे आणि ‘ऐकण्याचा तास’ यांसारख्या उपक्रमांची शिफारस करणे.
पाठपुरावा: प्रवेश सक्रिय झाल्याची पुष्टी, उपलब्ध वापराची आकडेवारी आणि शिक्षकांचा अभिप्राय यांची नोंद ठेवणे.
चला, ज्ञानश्रवण दानयज्ञात सहभागी होऊया!
आपल्या समाजात शिक्षणासाठी योगदान देण्याची इच्छा असलेले अनेक लोक आहेत. प्रत्येक जण स्वतःच्या परीने एखाद्या शाळेपर्यंत ज्ञानाची संधी पोहोचवण्यास हातभार लावू शकतो.
आपण एका शाळेसाठी ५० ऑडिओबुक्सच्या डिजिटल लायब्ररीचे प्रायोजकत्व घेऊ शकता.
आपल्या मित्रमंडळींना, सहकाऱ्यांना, व्यावसायिक समूहांना किंवा सामाजिक संस्थांना या उपक्रमाची माहिती देऊ शकता.
आपल्या सहभागातून ग्रामीण शाळेला विविध विषयांतील साहित्य श्रवणासाठी उपलब्ध होण्याची संधी मिळू शकते.
चला, ज्ञान ऐकण्याची संधी अधिक शाळांपर्यंत पोहोचवूया.
शिक्षणवाणी | शालेय मूल्यसंस्कार
ज्ञानश्रवण दानयज्ञ
एका शाळेला ५० ऑडिओबुक्सची ज्ञानभेट
एका शाळेला ५० ऑडिओबुक्सच्या डिजिटल लायब्ररीचा Lifetime Access!
भेट एका शाळेला!
लाभ कैक पिढ्यांना!
संपर्क आणि अधिक माहिती
WhatsApp : 9049043461
e-mail : pustakvaani@gmail.com
ज्ञानश्रवण दानयज्ञ — शिक्षणवाणी | शालेय मूल्यसंस्कार
Comments